Membros da Comisión Permanente da Mesa encabezados polo presidente da organización, Carlos Callón, colocaron unha réplica exacta dun dos sinais exteriores cos textos en galego, inglés e castelán fronte aos paneis orixinais que contan cunha única versión en castelán.
Outra das características do sinal presentado pola Mesa foi a inclusión da toponimia oficial, algo que non se respecta no sinal oficial. O presidente da Mesa, Carlos Callón, lamentou que “nesta sinalización que se paga co diñeiro de todos e todas as galegas aparezan de forma deturpada os nomes das prazas e rúas de Compostela” e destacou que este feito se produza “nun dos nosos principais emblemas históricos e culturais”.
Callón, que estivo acompañado no acto polo vicepresidente da Mesa, Fran Rei, e a secretaria xeral da entidade, Iria Taibo, criticou con dureza a “galegofobia irracional da actual Xunta” e comentou que “o galego suma, é un valor a maiores e un tesouro para compartirmos”.
Ningún comentario:
Publicar un comentario