Nace a revista educativa "Ollos de aula"

A Coordinadora Galega de ENDL está detrás desta publicación que ten como destinatarias as familias do alumnado non universitario.

 

"Ollos de aula" é unha nova publicación que dará cabida á actualidade educativa e a temas de interese pedagóxico e achegará suxestións para axudar na tarefa educativa ás familias.  

A Coordinadora Galega de ENDL está detrás desta revista para as familias do alumnado non universitario que chegará ás casas a través dos centros educativos e dos Equipos de Normalización Lingüística.

A publicación ten como obxectivos achegarlles ás familias información variada ao redor da educación e convidalas a reflexionar sobre aqueles temas que lles preocupan como 

nais e pais. Ao longo das distintas seccións procurarase darlle resposta ás preguntas que formulen as familias, afondar en temas de actualidade, explicar conceptos propios 

do ensino ou achegar suxestións (lectura, música, viaxes…)  para seren compartidas cosfillos e fillas, sen esquecer, loxicamente, a  actualidade da lingua galega e as reflexións sobre a súa aprendizaxe.

Especialistas no ensino

Os artigos estarán asinados por profesionais do ensino e especialistas na materia que se trate co obxectivo de que a información sexa rigorosa e se axuste o máximo posible 

á realidade que se vive nos centros e nas casas.

"Ollos de aula" ten unha periodicidade mensual, unha extensión de oito páxinas e pode ser personalizada por cada centro ou ENDL para adaptala á súa realidade máis 

próxima. Ten unha versión dixital que pode visionarse na www.coordinadoraendl.org.

EN GALICIA CONFIDENCIAL